.jpg)
2009 വിടപറയുമ്പോള്‍
ജനുവരിയില്‍ മാധ്യമങ്ങളുടെ മുന്പജില്‍ നിറഞ്ഞ വാര്‍ത്ത ആയിരുന്നു അമേരിക്കയിലെ തിരഞ്ഞെടുപ്പ്.
അമേരിക്കയിലെ 44-മത്തെ പ്രസിഡന്റായി ഒബാമ അമേരിക്കന്‍ പ്രസിഡന്റ്‌ ആയി തിരഞ്ഞെടുക്കപെട്ടതും
പിന്നീടു ഒബാമക്ക് 2009-ലെ സമാധാനത്തിനുള്ള നോബല്‍ സമ്മാനം ലഭിച്ചതും പ്രധാന വാര്‍ത്തകള്‍ ആയി
ഇന്ത്യന്‍ തിരഞ്ഞെടുപ്പില്‍ കോണ്ഗ്രസ് നേട്ടം കൊയ്ത വര്‍ഷമായിരുന്നു. പതിനഞ്ചാം ലോകസഭയിലേക്കുള്ള തിരഞ്ഞെടുപ്പ് മൂന്ന് ഘട്ടങ്ങളിലായി നടന്നു.മന്‍മോഹന്‍ സിംഗ് വീണ്ടും ഇന്ത്യയുടെ പ്രധാനമന്ത്രിയായി ചുമതലയേറ്റു.കേരളത്തില്‍ 16 മണ്ഡലങ്ങളില്‍ യു.ഡി.എഫും 4 മണ്ഡലങ്ങളില്‍ എല്‍.ഡി.എഫും വിജയിച്ചു
ലോക്സഭയില്‍ മലയാളികള്‍ നിറഞ്ഞ വര്ഷം കേന്ദ്ര മന്ത്രി സഭയില്‍ കേരളത്തിന്‌ ആറു കേന്ദ്രമന്ത്രിമാരെ ലഭിച്ചു എ.കെ. ആന്റണി, വയലാര്‍ രവി,കെ.വി.തോമസ്,ശശി തരൂര്‍, മുല്ലപ്പള്ളി രാമചന്ദ്രന്‍, ഇ. അഹമ്മദ് എന്നിവരാണ് കേരളത്തില്‍ നിന്നുള്ള മന്ത്രിമാര്‍ തിരഞ്ഞെടുക്കപ്പെട്ടു. കേന്ദ്ര ആഭ്യന്തരസെക്രട്ടറി ജി. ഗോപാലകൃഷ്ണ പിള്ള,വിദേശകാര്യ സെക്രട്ടറി നിരുപമ റാവു തുടങ്ങിയവരാണ് മറ്റു മലയാളി സാന്നിധ്യങ്ങള്‍
ലോകത്താകെ പന്നിപ്പനി പടര്‍ന്നു പിടിച്ച വര്ഷം
2009 മാര്‍ച്ച്-ഏപ്രില്‍ മാസങ്ങളില്‍ മെക്സിക്കോയില്‍ ആരഭിച്ച പണി അറുപത്തഞ്ചോളം രാജ്യങ്ങളില്‍ പടര്‍ന്നു പിടിച്ചു. ഇന്ത്യയില്‍ കൂടുതല്‍ മരണം റിപ്പോര്‍ട്ട്‌ ചെയ്തത് പൂനയില്‍. വൈറസ് പിടിപെട്ട് ലോകത്ത് മരിച്ചവരുടെ എണ്ണം 4,700 കവിഞ്ഞതായി ലോകാരോഗ്യ സംഘടന. മന്ത്രി ജോസ് തെറ്റയില്‍, നരേന്ദ്ര മോഡി ,ഐശ്വര്യ റായി
തുടങ്ങിയവര്‍ക്കും പന്നിപനി ബാധിച്ചതായി മാധ്യമങ്ങള്‍ റിപ്പോര്‍ട്ട്‌ ചെയ്തു ഈ അടുത്ത് ദിവസങ്ങളില്‍ നമ്മുടെ പാവം ശ്രീശാന്തിനും പന്നിപ്പനിയാണെന്ന്റിപ്പോര്‍ട്ടുകള്‍ ഉണ്ടായിരുന്നു.
സ്ലംഡോഗ് മില്യണേര്‍ എന്ന ചിത്രത്തിന് ഓസ്കാര്‍ 8 അക്കാദമി പുരസ്കാരവും നാല് ഗോള്‍ഡന്‍ ഗ്ലോബ് പുരസ്കാരവും. ചിത്രത്തിന്റെ സംഗീതം ഒരുക്കിയസംഗീത ചക്രവര്‍ത്തി എ ആര്‍ റഹ്മാനും റസൂല്‍ പൂകുട്ടിക്കും ഓസ്കാര്‍ അംഗീകാരം. 2007ലെ ദേശീയ ചലച്ചിത്ര ചലച്ചിത്ര അവാര്‍ഡുകള്‍ പ്രഖ്യാപിച്ചു അടൂര്‍ ഗോപാല
കൃഷ്ണന് വീണ്ടും കിട്ടി ദേശീയ അവാര്‍ഡ്‌. കമലഹാസന്‍ അഭിനയ ജീവിതത്തിന്റെ 50വര്ഷം പൂര്‍ത്തിയാക്കിയ വര്ഷം. തിലകനും മട്ടന്നൂരിനും കലാമണ്ഡലം ഗോപിക്കും ധോണിക്കും ഐശ്വര്യറായിക്കും പത്മശ്രി നല്‍കി ഭാരതം ആദരിച്ച വര്ഷം
പ്രശസ്തരായ പലരുടെയും മരണങ്ങള്‍ കൊണ്ട് ശ്രദ്ധിക്കപ്പെടുന്ന വര്ഷം കൂടിയായി 2009
*ഇന്ത്യയുടെ മുന്‍ രാഷ്ട്രപതി ആര്‍. വെങ്കിട്ടരാമന്‍, കമ്മ്യൂണിസ്റ്റ് നേതാവും മുന്‍ സി.പി.എം. പോളിറ്റ്‌ ബ്യൂറോ അംഗമായിരുന്ന ഇ. ബാലാനന്ദന്‍..ഹെലികോപ്ടര്‍ അപകടത്തില്‍ കൊല്ലപ്പെട്ട ആന്ധ്രാപ്രദേശ് മുഖ്യമന്ത്രി വൈ.എസ്. രാജശേഖര റെഡ്ഡി ,മുസ്ലീം ലീഗിന്റെ സംസ്ഥാന അദ്ധ്യക്ഷനായിരുന്ന പാണക്കാട് ശിഹാബലി തങ്ങള്‍ ,സംഗീത ലോകത്തെ മുഴുവന്‍ ദുഖതിലാഴ്ത്തിക്കൊണ്ട് പോപ്പ് സംഗീത ചക്രവര്‍ത്തി മൈക്കില്‍ ജാക്സണ്‍ ,സ്വാതന്ത്ര്യ സമര സേനാനി ആയിരുന്ന കൗമുദി ടീച്ചര്‍,മലയാളത്തിന്റെ പ്രിയ കഥാകാരി മാധവിക്കുട്ടി ,കര്‍ണ്ണാടകസംഗീതജ്ഞയും ചലച്ചിത്രപിന്നണിഗായികയുമായ പട്ടമ്മാള്‍ ,വാദ്യകലാകാരനും ചലച്ചിത്ര അഭിനേതാവുമായിരുന്ന കലാമണ്ഡലം കേശവന്‍ ,മുന്‍ കേരള നിയമസഭ അംഗവും കോൺഗ്രസ് നേതാവും കേന്ദ്ര പ്രവാസികാര്യമന്ത്രിയുമായ വയലാര്‍ രവിയുടെ ഭാര്യയുമായ മേഴ്സി രവി ,മലയാള ചലച്ചിത്ര സംവിധായകന്‍ ലോഹിതദാസ്, നടന്മാരായ മുരളി, രാജന്‍ പി ദേവ് പഴയകാല നടി അടൂര്‍ ഭവാനി , മലയാളത്തിലെ യുവ പിന്നണി ഗായകന്‍ സൈനോജ്, കന്നട ചലച്ചിത്രരംഗത്തെ ഒരു നടനും ഗായകനുമായിരുന്ന വിഷ്ണുവര്‍ധന്‍ തുടങ്ങിയവര്‍ 2009 ല്‍ അന്തരിച്ച പ്രശസ്തരില്‍ പെടുന്നു.
*ഒരു വ്യാഴവട്ടക്കാലം ശ്രീലങ്കയെ വിറപ്പിച്ച പ്രഭാകരന്റെ അന്ത്യവും ശ്രിലങ്കന്‍ സേനയുടെ പോരാട്ടവും എല്ലാം മേയ് മാസത്തെ മാധ്യമങ്ങളില്‍ നിറഞ്ഞു നിന്നു
*ജൂണില്‍ എയര്‍ ഫ്രാന്‍സ് 447 വിമാനം അറ്റ്ലാന്റിക് സമുദ്രത്തില്‍ വീണ് 228 പേര്‍ മരിച്ചതും ജൂലൈയില്‍ 168 പേര്‍ ഇറാനില്‍ വിമാന അപകടത്തില്‍ മരിച്ചതും ഡല്‍ഹിയിലെ മെട്രോ പാലം തകര്‍ന്നു 5പേര്‍ മരിച്ചതും എല്ലാം പ്രധാന വാര്‍ത്തകള്‍ ആയി
*സെപ്റ്റംബറിലെ 46 പേരുടെ ജീവന്‍ അപഹരിച്ച തേക്കടി ബോട്ട് ദുരന്തം മറക്കാനാവാത്ത വേദനിപ്പിക്കുന്ന ഓര്‍മകളായി . മാധ്യമങ്ങളൊക്കെ ലൈവ് കാണിച്ചു ശ്രദ്ധ നേടി .
ഓഷ്യന്‍സാറ്റും അരിഹിന്ധും അന്തര്‍ ദേശീയ ശ്രദ്ധ നേടി .ലോകം കണ്ട ഏറ്റവും മികച്ച ക്രിക്കറ്റ് കളിക്കാരില്‍ ഒരാളായ സച്ചിന്‍ തെന്‍ഡുല്‍ക്കര്‍ അന്താരാഷ്ട്ര ക്രിക്കറ്റില്‍ ഇരുപതു വര്‍ഷങ്ങള്‍ പൂര്ത്തിയാകിയതും ഇന്ത്യന്‍ ടീം ഐ സി സി റാങ്കിങ്ങില്‍ ഒന്നാം നമ്പര്‍ ആയതും 2009 ല്‍ തന്നെ. ജസ്വന്ത് സിംഗിന്റെ ജിന്ന- ഇന്ത്യ, പാര്‍ട്ടിഷ്യന്‍, ഇന്‍ഡിപെന്‍ഡന്‍സ് 2009 ലെ ഇന്ത്യയിലെ ശ്രദ്ധപിടിച്ചു പറ്റിയ വിവാദപുസ്തകമായി.വീണ്ടും ലാവ്‌ലിന്‍ പിണറായിയെ കുടുക്കിയതും വി.എസ്. അച്യുതാനന്ദനെ പൊളിറ്റ് ബ്യൂറോയില്‍നിന്ന് പുറത്താക്കിയതും ശശി തര്രൂരിന്റെ ട്വിറ്റെര്‍ വിവാദങ്ങളും മുരളിധരന്റെയും ഉണ്ണിത്താന്റെയും സ്ഥാനവും മാനവും പോയതും എല്ലാം ഈ വര്‍ഷത്തെ വാര്‍ത്തകള്‍ തന്നെ .പന്നിപ്പനിയും സാമ്പത്തികമാന്ദ്യവും ലോകത്തെ പിടിച്ചുകുലുക്കിയ ഈ വര്‍ഷത്തില്‍ ഈ നൂറ്റാണ്ടിലെ ദൈര്‍ഘ്യമേറിയ സൂര്യ ഗ്രഹണത്തിനും ലോകം സാക്‍ഷിയായി
2 comments:
വളരെ നല്ല പരിശ്രമം.. നന്നായിരിക്കുന്നു.. പോയ വര്‍ഷത്തെ പ്രാധനപെട്ട ഒട്ടുമിക്ക കാര്യങ്ങളും ഓര്‍മയില്‍ സൂക്ഷിച്ചു ഇവിടെ പകര്‍ത്തിയിരിക്കുന്നു.. 'എ വാക്കിംഗ് എന്‍സൈക്ലോപീടിയ'...
ഇനിയും എഴുതുക.. ആശംസകള്‍..
സ്നേഹത്തോടെ
ചക്കി
വൈകിയാണെങ്കിലും ബൂലോകത്തേയ്ക്ക് സ്വാഗതം
Post a Comment